Retningslinjer

Barneidrettsbestemmelser og sanksjonsreglement

  • Som en følge av revideringen av barneidrettsbestemmelsene vedtatt på Idrettstinget i 2015, har styret i NGTF nå vedtatt oppdaterte utdypninger og presiseringer til disse.
    På Idrettstinget i 2015 ble det også vedtatt at alle særforbund må ha sanksjonsbestemmelser for brudd på «Idrettens barnerettigheter og Bestemmelser om barneidrett», og NGTFs sanksjonsreglement er nå klart.
    Både sanksjonsreglement og NGTFs utdypninger og presiseringer av bestemmelser om barneidrett ble vedtatt på styremøte i NGTF 1.12.2016 og er gjeldende fra 1.12.2016.
    Vi anbefaler alle å lese og sette seg inn i dokumentene. Vi vil etterhvert komme med mer informasjon.
    Les meir her.

Forventningsbrev til foreldre – Gymleik 2023-2020 partia

Kjære foreldre/føresette,

Velkomen til gymleik i vår turngruppe! Vi ser fram til mange kjekke økter med dykk og borna. Gymleik er ein aktivitet der barna kan leike, bevege seg og utvikle motoriske ferdigheiter på ein trygg måte.

Vi har nokre enkle reglar og forventningar:
Foreldrerolla
Foreldre er viktige i gymleik! Vi ønskjer at de er med på øvingane saman med barna. De kan hjelpe barna med å ha det gøy, og følgje instruktørane sine rettleiingar. Det er viktig at instruktørane styrer økta.
Tryggleik
Tryggleik kjem først. Vi ber om:
– At barna har på seg treningskle. Det kan de vaksne og ha.
– At barna ikkje har smykke eller lause ting som kan vere farlege under aktivitetane.
– At de som foreldre følgjer med på barna og instruksjonane.
Disiplin og respekt
Gymleik handlar om leik, men også om å lære disiplin og respekt. Vi vil at barna lyttar til instruktørane og oppfører seg fint mot kvarandre. De som foreldre kan hjelpe barna med dette.
Kommunikasjon
Vi sender informasjon om økter arrangement og viktige ting i HOOPIT. Det er viktig at de følgjer med på meldingane vi legg ut der og gjer oss tilbakemeldingar viss vi ber om det. Her melder de i frå viss barna  ikkje kjem på trening. Har de spørsmål, kan de ta kontakte med trenarane etter timane eller de sender melding i HOOPIT
Tidspunkt og oppmøte
Det er viktig at de møter opp i tide før økta startar. Kvar økt varer i 45 minutt.. Då partia våre er fulle kan eit barn berre ha med  ein forelder/føresett. Ein kan heller ikkje ha med seg søsken.

Vi gler oss til eit kjekt semester saman med dykk og barna. Takk for at de er med og gjer gymleiken trygg og morosam!

Med venleg helsing
Styret i turngruppa

Forventningsbrev til foreldre/føresette til born i skulepliktig alder- Idrettens grunnstige

Kjære foreldre/føresette,

Velkomen til eit nytt semester i vår turngruppe! Vi gler oss til å sjå barna delta på treningar der dei får utvikle motoriske ferdigheiter, styrke og koordinasjon gjennom kjekke og varierte øvingar.

Her er nokre viktige retningslinjer og forventningar for semesteret:

Barna sine oppgåver

Barna vil trene utan foreldre til stades, og vi forventar at dei følgjer instruktørane sine rettleiingar nøye. Målet vårt er at dei skal ha det gøy medan dei lærer, men det er også viktig at dei øver på disiplin, samarbeid og respekt for både trenarar og andre deltakarar.

Tryggleik

Tryggleik står i fokus under alle øktene. Vi ber om at barna:

  • Har på seg behagelege treningsklede og eigna sko (eller er berrføtt om nødvendig).
  • Ikkje bruker smykke eller andre lause gjenstandar som kan vere farlege under aktivitetane.
  • Følgjer instruktørane sine instruksjonar for å unngå skadar.

Oppmøte og punktlegheit

For at treningane skal bli så effektive som mogleg, er det viktig at barna møter i tide og er klare til å starte på det oppsette tidspunktet. Kvar økt varer i 1 time, og vi ber om at de hentar barna presist etter at treninga er ferdig.

Kommunikasjon

Vi vil gjerne halde ein god dialog med dykk gjennom semesteret. Informasjon om treningar, endringar eller viktige meldingar vil bli sendt via HOOPIT. Har de spørsmål, kan de alltid ta kontakt med oss.

Foreldresamarbeid

Sjølv om barna trenar utan dykk til stades, set vi pris på foreldra sitt engasjement. Vi oppmodar dykk til å snakke med barna om kva dei lærer på treningane, og oppmuntre dei til å ha ein positiv haldning og følge instruksjonar.

Vi set stor pris på at dykkar barn er ein del av turngruppa, og vi gler oss til å sjå dei utvikle seg gjennom leik og fysisk aktivitet. Takk for at de støttar opp om barna sine idrettsaktivitetar, og vi ser fram til eit spanande og lærerikt semester!

Med venleg helsing,
Styret i tunrngruppa