Vindafjord-jentene vann Fair play-prisen

Då er årets Rema 1000 Husnes Cup over og under den avsluttande premieutdelinga fekk Vindafjord jenter 10/11 den prestisjetunge Fair play-prisen. Jentene har vist eksemplarisk oppførsel gjennom heile helga og fekk utelukkande positive karakterar frå dommarane, motstandarane og sekretariatet sine observatørar.
Kampen er knallhard og det er vanskeleg å kåre ein vinnar. Etter gjennomgang av dommarane sine vurderingar, var vel 15 lag med full pott og etter at laga sjølve hadde levert inn evalueringa av mostandarane var det tre jentelag som hadde peikt seg ut. Og heilt til topps gjekk altså cupens yngste lag, Vindafjord jenter 10/11 år. Dei får billettar til ein FKH-kamp. Vi gratulerer!

Foto: Helge Sunde