Tine Fotballskule

Trio Idrettslag inviterer saman med TINE til Tine Fotballskule i starten av sommarferien, 23.-25. juni.

100 born i alderen 7 til 12 år blir samla til 3 dagar med fotballglede i Husnes Idrettspark. Under rettleiing frå vår ungdoms- og senioravdeling skal vi ha ei rekkje ulike fotballøvingar, og fotballskulen blir avslutta med miniturnering på onsdagen.

Fotballskulen varer frå klokka 10:00 til 14:00 alle dagane. Opprop og fordeling til grupper byrjar 09:30 måndag 23.6.

Deltakarane vil få utstyrspakke frå Tine med stilig Tine-drakt og sekk med fotballnett. Vi serverer lunsj til alle deltakarar kvar dag. Tine Fotballskule kostar kr 850,- per deltakar.

Vi nyttar appen Hoopit til kommunikasjon mellom deltakarar, føresette og klubb.

Påmelding: https://app.hoopit.io/join/trio-idrettslag-676063/open/tine-fotballskole-2025-931880