Målorgie på Stord

G13: Trott-Trio3 7-7. Vi la av garde på ein særs effektiv bortetur. Med hurtigbåt til Stord og Trott-foreldre køyrde oss att og fram frå Leirvikkaien, slik at vi var tilbake på Sunde mindre enn tre timar etter avreise. Og vi rakk utruleg mykje på turen. Til slutt endte kampen 7-7.

Trott er blant dei svakare laga i serien og vi gjekk fyrrig ut og tok kommandoen frå start. Fokus på å bruke kantane og spele oss til innlegg og avslutningar. Men nokre tok litt for ofte den enkle vegen. Allereie tre minutt ut i kampen sette vi inn to kjappe, begge etter duellspel i feltet og begge stang inn. Først ved Mohammed, så ved Elias. Sistnemnte la på til 0-3 på eit dribleraid, før han også var med på det fjerde, då Abdi sette i gong ei kontring. Kjekt å sjå Elias spele fri Abdi igjen, som fullførte løpet sitt. Og rett etter der igjen: 0-5, då Mohammed snappa ein forsvarsglipp.

Vi trenarar fann ut vi måtte ta aksjon og byta i hytt og pine etter beste evne. Spissen som vart degradert til back var ikkje særleg nøgd, men vi har godt av å øve på andre roller når vi treng å jamne ut kampane. Noah kom inn som midtstoppar då vi gav vår faste bauta Andre pause. Noah manglar litt fart, men er fotballklok og trygg med ballen. Med godt blikk for spelet løyste han ei uvant rolle veldig bra, både offensivt og defensivt. Trott fekk ei redusering, før vi varta opp med dagens beste angrep.

Kampkfakta frå Prestegardsskogen kunstgras