Friidrettssesongen er i gong!

Jakob Ingebrigtsen har allereie sett sin første verdsrekord og også lokalt er friidrettssesongen i gong. Innomhus, that is. I helga var dei årvisse Pingvinleikene til IL Gneist i Bergen og Trio stilte med 4 deltakarar, som alle markerte seg sterkt.

Mattias Skauge Griggs deltok i 14-årsklassen i kule. Det er første året med 4 kg-kule for Mathias, så då er det sjølvsagt pers. 7,21 meter gav 4.plass. Han deltok også på 600 meter. Her fekk han sølvmedalje og sette ny pers med 2.08,05, forbetring på 17 sekund!

Andrei Bringedal vann 200 meter for gutar 15 år med 26,08. På 60 meter tok han andreplass med 7,88. Det er 11 hundredelar betre enn persen han sette i januar.

Alexandra Tveit Rosendahl deltek i jenter 15 år. Ho vann lengde med 4,75, og med 1.44,95 og 2.plass på 600 meter sette ho pers med 3,5 sekund. Det var også tilsvarande betring av lagsrekorden til IL Trio for senior. Det vart også gullmedalje i tresteg med 9,81 meter, også det pers med god margin. Ho tok 3.plass på 60 meter hekk med 10,65 og 6.plass på 60 meter flatt med 8.97.

Ådne Opsanger-Tveit sikra seg tre gullmedaljar i helga. Han vann høgde for gutar 16 år med 1,65, lengde med 5,29 og også 60 meter hekk med 9,82. Så vart han nr 7 på 60 meter med 8,55.