Friidrett, Nyhet

Friidrett: Kretsrekord til Hildegunn!

49 deltakarar på onsdagens seriestemne i friidrett på Husnes stadion. 10 av del var i alderen 0-6 år, som fekk springe 60 meter, før det vanka ein is. Stemnet vart avslutta med 1500 meter, der Hildegunn Håland sette kretsrekord i klasse veteran 60-64 år, er formidable 47 sekund raskare enn den 24 år gamle rekorden til ei frå Bergen. Hildegunn sette kretsrekord i klasse 55-59 år i fjor haust, og har altså nytta årsskiftet til å gå ein klasse opp i alder. Dermed har ho rekord i begge. Raskaste tid på 1500 meter hadde 44 år yngre Cecilie Sundal Utne, som klokka inn på habile 5.13,3. Det må seiast å vera solid, når ein tek med at det var sur vind under løpet. Vetlesystra Amalie noterte forbetring av personleg rekord med 25 sekund!

Også resultata i lengde og korthekk bar preg av guffen motvind.

Resultater frå seriestemnetDownload
Hildegunn Håland, nr 2 frå høgre, knuste kretsrekorden i veteran 60-64 år. Frå venstre Kenneth Blom Holmfridur Adalsteinsdottir, Hildegunn Håland og Sondre Saurås.
Cecilie Sundal Utne (2010) hadde den klart beste tida av alle på 1500 meter. 5.13,3 er likevel nesten 10 sekund bak persen.
…men vetlesyster Amalie Sundal Utne (2012) imponerte enda meir med å sette pers med 25 sekund på 1500 meter. 5,41,8 let seg høyre i J14-klassen.
Dei yngste på barneskulen fekk vise at dei hadde øvd på hekkeløp.
Full fart på 100 meter.
2-3-åringane i farta på 60 meter.
2-3-åringane i farta på 60 meter.
4-5-åringane gav gass.
Is i premie for topp innsats gjer både liten og stor nøgd. Vegard Sæverud Jensen (11) og Kenneth Blom (63).
Haugesund Sparebank er IL-Trio sin hovudsamarbeidspartner