Nok ein kretsrekord!

Onsdag kveld arrangerte Trio friidrett seriestemne på Husnes stadion, og Hildegunn Håland kunne notere seg for nok ein kretsrekord for kvinner 60-64 år. Denne gong på 3000 meter.

Hildegunn sprang på 12.42,0, som er 7 sekund raskare enn den gamle kretsrekorden i klassen. Alexis Sandvik var den einaste som sprang i herreklassen og han kom inn på solide 10.23,3.
Det var totalt 30 deltakarar i stemnet og det vart elles konkurrert i diskos, spydkast, liten ball, tresteg, høgde, 60 meter, 200 meter og 300 meter hekk.