Kjekke dagar med mangekamp

Friidrettsgruppa skipa til mangekamp på Husnes stadion i veka som var. Dette gjorde vi med suksess i fjor over ein lang helgedag, men i år fordelte vi det over 2 kveldar. Medan 10-12-åringane kunne gjere unna sine 4 øvingar på ein dag, er det for dei eldre ganske mange øvingar i ulike variasjonar etter alder. Og for 16-årsgutane heile 10 øvingar. Totalt arrangerte vi 16 øvingar på dei to dagane og det var kjekt at så mange utøvarar var med og prøvde så mange forskjellige øvingar, då vi ønskjer å inspirere til allsidighet. Totalt var 19 utøvarar frå 10-17 år med. Forutan 3 frå Varaldsøy, var alle frå Trio og heile 16 deltakarar fekk notert resultat i mangekamp.

Her er resultatlister og ein del bileter frå moroa. Poeng for resultat i kvar øving berekna etter Tyrvingtabellen.
Mangekamp 10-12 år: 60m, lengde, kule, 600m.
Mangekamp 13 år: 60m, lengde, kule, 600m, 60m hekk, høgde.
Mangekamp G14: 60m, lengde, kule, 600m, 80m hekk, høgde.
Mangekamp J15: 200m, lengde, kule, 800m, 80m hekk, høgde, spyd.
Mangekamp G16: 100m, lengde, kule, 400m, 100m hekk, høgde, spyd, diskos, stav, 1500m.

Video av Mattias Skauge Griggs, som set ny pers med 35,60 meter i spyd, trass i at kastet på langt nær er perfekt. Ikkje lenge før han passerer 40 meter med god margin.