Pers med 9,5 meter!

Haustens siste seriestemne på Husnes stadion gjekk av stabelen i kveld og medan det var bedrøvelege forhold for hopp og løp (dugeleg motvind), så var forholda i spydkast tilsvarande meir optimale. Det var også formen til Mathias Skauge Griggs, som knalla til med ny personleg rekord med 9,5 meters margin. Eit kast på 35,50 meter er faktisk nest best på landsstatistikken for 13-åringar. Kompisen Casper Aarsand Stensletten hengte seg på med 24,05 meter, også det pers med god margin.

Totalt var det 45 deltakarar som konkurrerte mot seg sjølve og vener i lengde, tresteg, spyd, kule, 40 meter, 80 meter, 100 meter og 200 meter hekk. Vedlagt er resultater og nokre bileter.